ယဉ်ကျေးမှုကို ဖိသတ်ချင်နေပြီလော အသင်ဆောင်းပါးရှင်

Posted on
  • by
  • လင္းဦး(စိတ္ပညာ)
  • in
  • Labels: ,
  • နေသန်မောင် (ရုပ်ရှင်ဗီဒီယိုထုတ်လုပ်ရေးနှင့် နိုင်ငံရေးသိပ္ပံဘာသာရပ်ကျောင်းသား)ဆိုသူ ရဲ့ စည်းကမ်းပြည့်ဝသော သတင်းများနဲ့ Hip Hop ငိုငြိီးသံများ ဆောင်းပါးကို ဖတ်ပြီး ကျွန်တော်တော်တော်လေးကို ၀မ်းနည်းမိသည်။ ထို့ထက် ထိုသို့သော အတွေးအရေးကို ထောက်ခံသော ဘလောဂ်တစ်ခုကို ဒေါက်တာလွဏ်းဆွေ ဘလောဂ်စီဗောက်မှ ရောက်သွားခဲ့သည်။ တော်တော်လေးကို ဟုတ်နေကြသည်ဟု တွေးမိသည်။ အဲ့နေ့ကတည်းက ဒီပို့စ်ကို ရေးတင်ချင်သော်လည်း မတင်ဖြစ်ခဲ့။ ယခု သွားကြည့်မိတော့ ထိုဘလောဂ်တွင် ထောက်ခံထားသော ဆောင်းပါး မတွေ့ရှိရတော့ပါ။ သို့နှင့် မဇ္ဈိမသို့ ပြန်ရောက်သော် ထိုအကြောင်းနှင့်ပတ်သက်၍ ထပ်ပြီးရေးထားသော ဆောင်းပါးကို တွေ့ခဲ့ရပြန်သည်။

    နိုင်ငံတစ်နိုင်ငံ၊ လူမျိုးတစ်မျိုးတွင် ဓလေ့စရိုက် ယဉ်ကျေးမှုများ ရှိကြသည်ချည်းပင် ဖြစ်ပါသည်။ ကျွန်တော်တို့နိုင်ငံတွင်လည်း ကိုယ့်ယဉ်ကျေးမှုနှင့် ကိုယ် ရှိပါသည်။ Hip Hop ဖြင့် ယဉ်ကျေးမှုတစ်ခုကို ပစ်ပယ်သင့်ပြီဆိုသော အဓိပ္ပါယ်ဖြင့် Revolution ကို သုံးသွားသည်ကို တွေ့ရသည်။ ပစ်ပယ်သင့်သည် / မသင့်သည် ၊ချိုးဖောက်သင့်သည် /မသင့်သည် ဆိုသည့် အဆင့်မရောက်မီ ဆောင်းပါးရှင်အနေဖြင့် ယဉ်ကျေးမှုဆိုသည်ကို မည်သို့ နားလည်သဘောပေါက်ပါသနည်း။ မည်သို့ နားလည် ခံယူထားပါသနည်း။ မည်သို့ နားလည်ခံယူပြီး ဤသို့သော ဆောင်းပါးမျိုးကို ရေးချမိပါသနည်း ။

    ဆောင်းပါးရှင်အနေဖြင့် ဒီမိုကရေစီဟူသော အနက်အဓိပ္ပါယ်ကို ဘယ်လို နားလည်ထားပါသနည်းဟု ကျွန်တော် ထပ်မေးချင်ပြန်ပေသည်။ အများကြီး ဆက်စပ်နေသော မေးခွန်းဟု ကျွန်တော့်အနေဖြင့် ပြောချင်သည်။ မိမိရောက်ရှိနေသော နိုင်ငံ၏ ယဉ်ကျေးမှု ဖုံးလွှမ်း စိုးမိုးမှုကြောင့်လား၊ ဒါမှမဟုတ် ကမ္ဘာပေါ်ရှိ မည်သည့်နိုင်ငံမဆို၊ ဒီမိုကရေစီဆိုလျှင် ၎င်းအနောက်နိုင်ငံတို့၏ စည်းမျဉ်းအတိုင်းသာလျှင် ဖြစ်ရမည်ဟု လက်ခံထားလို့လား.....။ လူ့အခွင့်အရေးဟု ဆိုတိုင်း မိမိနိုင်ငံ၏ ယဉ်ကျေးမှုဘောင်ကို ကျော်ဖြတ်သင့်သည်ဟု့ ဆောင်းပါးရှင်အနေဖြင့် ယူဆနေသည်ကို တွေ့နေရသည်။ သူ့အနေဖြင့် မည်သို့သော အသိုင်းအဝိုင်းကြားတွင် မွေးဖွားရှင်သန် လာခဲ့သည်တော့ မသိပါ။

    ကျွန်တော် Fucking ဆိုသည့် စာတန်းနှင့် ပတ်သက်၍ ဆောင်းပါးရေးခဲ့ဖူးသည်။ ထိုတုန်းကလည်းဝေဖန်ဆွေးနွေးကြ၏။ ဒီမိုကရေစီ နိုင်ငံများ၊ အနောက်နိုင်ငံများတွင် ဤသို့သော စကားလုံးကို မည်သို့သော ပုဂ္ဂိုလ်များသာလျှင် အသုံးပြုကြသည်ကို တွေ့ရှိနိုင်သည်။ ဆောင်းပါးရှင်အနေဖြင့် ပိုမိုသိနိုင်မည်ဟု ထင်မိသည်။ ပြီးတော့ ၎င်းနိုင်ငံများအနေဖြင့် ညစ်ညမ်းစွာ ဆဲဆိုမှုကို လိုလားကြသူချည်းလား။ အနောက်နိုင်ငံသားတိုင်း မရိုင်းကြပါ။ အနောက် ဒီမိုကရေစီနိုင်ငံများနှင့် မိမိ အမိမြန်မာပြည်ရဲ့ ယဉ်ကျေးမှုနှင့် ကိုက်ညီပါရဲ့လား။ ဆဲရေးတိုင်းထွာနေသော သီင်္ချင်းများကို အဟုတ်ကြီးလုပ် နားထောင်နေကြသော လူငယ်ထုကို အမှားထဲကို ထပ်ပြီးတိုးဝင်အောင် ပြုလုပ်နေသည်က မအပ်စပ် မလုပ်သင့် မလုပ်ထိုက်သော အလုပ်ကို လုပ်နေသည်ဟု ကျွန်တော် ကောက်ချက်ချပါသည်။ ဒါမှမဟုတ် မိမိရေးသော ဆောင်းပါးတစ်ခုကြောင့် မြန်မာလူငယ်ထုအပေါ် မှားယွင်းသော အတွေးအခေါ် ဆိုးကျိုးများ ပေါ်လာနိုင်သည်ကို မစဉ်းစား မဆင်ခြင်မိသည်လား ။

    ဒါ လူ့အခွင့်အရေးကွ.... ဆိုခွင့်ရှိသည်ဟု ဆိုလျှင် မခက်ပါပြီကော။ အဘယ့်ကြောင့် ထိုသီချင်းများ ခေတ်စားကာ နာမည်ကျော်ကြား လာပါသနည်းဟူသည်...... မြန်မာလူမျိုးများသည် လျှို့ဝှက်သောအကြောင်းအရာများကို အလွန်စိတ်ဝင်စားတတ်ကြသည်။ သီချင်းဆိုလျှင် အခွေမထွက်ခင် Sample အနေဖြင့် ထွက်သော အခွေများကို စိတ်ဝင်စားကြသည်။ ဟိုအဆိုတော်က ဘယ်သူနဲ့ ဘယ်လိုဆိုလျှင် မရမကအောင် လိုက်လံရှာဖွေ ၀ယ်ယူတတ်ကြသည်။ ယခုလည်း ထိုနည်းလည်းကောင်းပင်ဖြစ်သည်။ ရိုင်းစိုင်းသော အဆိုမျိုးကို လူငယ်ထုအနေဖြင့် သာမက လူကြီးများပါ အထူးတဆန်း နားထောင်ချင်ကြသည်။ လိုက်ရှာကြသည်။ လိုက်ဝယ်ကြသည်။ မိန်းကလေးများ နားမထောင့်သင့် ဆိုပေမယ့် နားထောင်ကြသည်ဆိုသည်မှာ ဤအချက်များကြောင့် အများဆုံးပါ၀င်ကြသည်။ ဘာဖြစ်ဖြစ် နားထောင်ဖူးချင်ကြသည်။ ထိုသို့ဖြင့် ထိုအဆိုတော်များ နာမည်ကြီးကြပါသည်။

    ထိုသို့ဆိုလျှင် နာမည်ကြီးချင်တိုင်း ရိုင်စိုင်းသော အသုံးအနှုန်းမျိုးဖြင့် လိုက်ဆိုကြလျှင် မခက်ပါပြီကော။ ထို့ထက် ငါတို့နိုင်ငံရဲ့ ယဉ်ကျေးမှုကို ချိုးဖောက်သင့်ကြပြီဟုဆိုလျှင် မခက်ပါပြီကော အသင်ဆောင်းပါးရှင် နေသန်မောင်။ ခေတ်ရေစီးကြောင်း ခေတ်ရေစီးကြောင်းဆိုပြီး မိမိနိုင်ငံရဲ့ ယဉ်ကျေးမှုကို ဖိသတ်ချင်နေပြီကော အသင်ဆောင်းပါးရှင်၊ လူ့အခွင့်ရေး ဆိုပြီး မိမိနိုင်ငံရဲ့ မျိုုးဆက်သစ်များအပေါ် အတွေးအခေါ်မှားများကို သွတ်သွင်းနေပြီကော အသင်ဆောင်းပါးရှင်။ ဒီမိုကရေစီဆိုသည်မှာ ထိုသို့သော ရိုင်းစိုင်းသော စာသားအသုံးအနှုန်း ၊ သီချင်းများကို အားပေးသည်ဟု လူငယ်ထုများအပေါ် ထင်မြင်စေချင်သလော အသင်ဆောင်းပါးရှင် ။


    လင်းဦး(စိတ်ပညာ)

    24 comments:

    Welcome said...

    ဖတ်သွားတယ်အစ်ကို၊ မှတ်ချက်မပြုတော့ပါဘူး။
    ပျော်ရွှင်အဆင်ပြေပါစေ။

    အိမ် said...

    ခက်တယ်ဗျ အမှန်ပြောရရင် လူတွေအကျင့်စာရိတ္တ ပျက်လာ
    တာတော့ အမှန်ပဲဗျ။

    ကေမောင်ငြိမ်း said...

    မှန်ပါ၏၊ ဆောင်းပါရှင်အဆိုကို လေးလေးနက်နက် ထောက်ခံ အပ်ပါသည်ခင်ဗျား။ အဟတ်ဟတ် :)

    ဗီလိန် said...

    တန်ဖိုးရှိပို့စ်တစ်ခုပါဗျာ။

    My Diary said...

    လူတွေက ခက်တယ် ခေတ်ဆန်တာ ၀တ်တိုင်း တစ်မျိုးထင်တက်တယ်
    ခေတ်နဲ့အညီဝတ်နေပေမယ့် အဲလို သီချင်းမျိုးကို လုံးဝ အားမပေးတက်ဘူး
    ခေတ်မီသူမဟုတ်ဘူးလို့ပဲထင်ထင်ပေါ့

    ourstream said...

    ကိုလင်းဦးရေ ခုခေတ်လူငယ်တော်ေတော်များများ ရိုသေကိုင်းရှိုင်းမှု့ အားနည်းလာတာ ကိုယ်တွေ့ကြံူတွေ့ ရပါတယ်။

    မဆုမွန် said...

    အရမ်းကောင်းတဲ့ အတွေးအခေါ်ပို့စ်လေးပါ တကယ့်ကို တန်ဖိုးရှိပါတယ်

    Han Thit Nyeim said...

    ကျွန်တော်ကတော့ လူတွေထဲမှာ ဆိုးတဲ့လူတွေရှိသလို... ကောင်းတဲ့သူတွေလည်း ရှိတယ်လို့ ခံယူထားတယ်။ ဆိုးသွမ်းနေတဲ့ ယောက်ျားတွေ ရှိသလို၊ ဆိုးသွမ်းနေတဲ့ မိန်းမတွေလည်း ရှိပါတယ်။ ဒါကြောင့် မိန်းမပျက်တွေအကြောင်း သီချင်းလုပ်ဆိုလို့ မိန်းမတွေအားလုံး ပျက်ဆီးနေပြီလို့ မယူဆသင့်ဘူးလို့ ထင်တယ်။

    ဂျောက်ဂျက်သီချင်းနဲ့ ပတ်သက်ပြီး မဇ္ဇိုမက အင်တာဗျူးကိုလည်း သိပ်သဘောမတွေ့ပါဘူး... တကယ်ဆိုရင် မိန်းမပျက်တွေအကြောင်း ဆိုထားတာ မိန်းမပျက်တချို့ကိုပါ မေးသင့်တယ်လို့ထင်တယ်။ အခုအဖြေက တစ်ဖက်သတ်လိုဖြစ်နေတယ်လို့ ထင်တယ်။ (ကျွန်တော့်အမြင်ပါ)

    ကျွန်တော် အထက်ကလိုပြောလို့ ဂျောက်ဂျက်ကို အပြည့်အဝ ထောက်ခံတယ်လို့ မဆိုလိုပါ။ ဒါပေမယ့် အဲလိုသီချင်းမျိုးတွေဖြစ်လာတာ လက်တွေ့မှာလည်း တကယ်ရှိလို့ဆိုတာတော့ ငြင်းမရနိုင်ဘူးဆိုတာ သိစေချင်တယ်။ `ပုပ်လို့ပေါ် ဟုတ်လို့ကျော်´ ဆိုတဲ့ စကားလိုပေါ့ဗျာ။

    မဇ္ဇိုမမှာ အင်တာဗျူးဖြေထားတဲ့ အမျိုးသမီးငါးယောက်ကလည်း `အရမ်းမိုက်ရိုင်းတယ်...´ လို့ ဖြေထားတယ်။ တကယ်ဆို အဲဒီသီချင်းစာသားတွေက သူတို့ကို စောင်းပြီးဆိုတာမှ မဟုတ်တာ (စိတ်ဆိုးနေတာ သိပ်လက်တွေ့မကျဘူး လို့ထင်တယ်) `မိန်းမတွေ မကောင်းဘူးကွာ´ လို့ ပြောတိုင်း ရှိသမျှမိန်းမတွေ လိုက်ပြီး စိတ်ဆိုးနေတာက မဖြစ်သင့်ဘူးလို့ ထင်တယ်။ (မဟုတ်ဘူးလားဗျာ...)

    လောကကြီးမှာဆိုးတဲ့လူဆိုတာ ရှိပြီးသား။ အဲလိုလူတွေကို ဝေဖန်ပုတ်ခတ်တာကလည်း ရှိမှာပါပဲ။ အဲဒီလို ပုတ်ခတ်တဲ့အတွက် ကောင်းတဲ့လူတွေက ဆိုးတဲ့ လူတွေဘက်ကနေ သွားပြီး ခံပြင်းဒေါသထွက်နေတာက သိပ်မဟုတ်ဘူးလို့ထင်တယ်။

    အဲဒီတော့ ကျွန်တော့်အမြင်ကို ပွင့်ပွင့်လင်းလင်း ပြောရရင်... အဲဒီလိုသီချင်းဆိုနေတဲ့သူတွေကို ထိုင်ပြီး အပြစ်တင်နေမယ့်အစား အဲဒီလိုအခြေအနေတွေကနေ တိုးတက်အောင် ဘယ်လိုပြုပြင်သင့်တယ်၊ ဘယ်လို မြှင့်တင်ဖန်တီးရမယ် ဆိုတာကို အဖြေထုတ်၊ ဆွေးနွေးခြင်းက ပိုလက်တွေ့ကျမယ်လို့ ထင်တယ်။ ပြီးတော့ သူတစ်ပါးကို ညစ်ညမ်းစွာ ဆဲဆိုစောင်းမြောင်း သီဆိုနေတဲ့သူကို သွားပြီး အရေးတယူပြု၊ ဒေါသထွက်နေမယ့်အစား ကိုယ့်အလုပ် ကိုယ်လုပ်နေတာက ိုအဖြစ်သင့်ဆုံးလို့ထင်တယ်။ လောကကြီးမှာ ဆဲဆိုတတ်တဲ့သူဆိုတာမျိုးကို ရှောင်လွှဲလို့မှ မရနိုင်ဘဲဗျာ...။ အရှိကို အရှိအတိုင်း လက်ခံထားသင့်ပါတယ်။

    ပွင့်လင်းစွာဖြင့်
    ဟန်သစ်ငြိမ်

    လင်းဦး(စိတ်ပညာ) said...

    လာရောက်ဆွေးနွေးသူ အားလုံးကို ကျေးဇူးတင်ရှိပါကြောင်း၊ ကိုဟန်သစ်ငြိမ်ရေ ပွင့်ပွင့်လင်းလင်း စိတ်ထဲရှိတဲ့အတိုင်း ဆွေးနွေးတဲ့အတွက် ကျေးဇူးပါ

    pandora said...

    စဉ်းစားစရာကောင်းတဲ့ အမြင်တွေကို လာဖတ်သွားတယ်

    agn said...

    I agreed with you.
    some peoplae think get democracy means can do everything.
    It's not true, must be balance with our culture.
    ဆောင်းပါးရှင်အနေဖြင့် ဒီမိုကရေစီဟူသော အနက်အဓိပ္ပါယ်ကို ဘယ်လို နားလည်ထားပါသနည်းဟု ကျွန်တော် ထပ်မေးချင်ပြန်ပေသည်။ အများကြီး ဆက်စပ်နေသော မေးခွန်းဟု ကျွန်တော့်အနေဖြင့် ပြောချင်သည်။ မိမိရောက်ရှိနေသော နိုင်ငံ၏ ယဉ်ကျေးမှု ဖုံးလွှမ်း စိုးမိုးမှုကြောင့်လား၊ ဒါမှမဟုတ် ကမ္ဘာပေါ်ရှိ မည်သည့်နိုင်ငံမဆို၊ ဒီမိုကရေစီဆိုလျှင် ၎င်းအနောက်နိုင်ငံတို့၏ စည်းမျဉ်းအတိုင်းသာလျှင် ဖြစ်ရမည်ဟု လက်ခံထားလို့လား.....။ လူ့အခွင့်အရေးဟု ဆိုတိုင်း မိမိနိုင်ငံ၏ ယဉ်ကျေးမှုဘောင်ကို ကျော်ဖြတ်သင့်သည်ဟု့ ဆောင်းပါးရှင်အနေဖြင့် ယူဆနေသည်ကို တွေ့နေရသည်။ သူ့အနေဖြင့် မည်သို့သော အသိုင်းအဝိုင်းကြားတွင် မွေးဖွားရှင်သန် လာခဲ့သည်တော့ မသိပါ။

    မသက်ဇင် said...

    ကိုလင်းဦးရေ---
    လာဖတ်ပါတယ်---
    လေးစားပါတယ်---

    ကေမောင်ငြိမ်း said...

    ပိုစ်ကို ဝေဖန်ဖို့ အခွင့်အရေးမရှိပါဘူးဗျာ၊ ရှေ့က ကိုလင်းဦး ရေးသားထားတာလည်းကောင်း၊ ကိုဟန်သစ်ဝေဖန်တာလေးတွေလည်း ဖတ်ရင်းနဲ့ပဲ ဗဟုသုတ တွေမျှဝေရယူသွားပါတယ်ဗျာ :)

    နှင်းပွင့်ဖြူလေး said...

    အဲဆောငး်ပါးနဲ့ ပတ်သတ်ပြီး ဖတ်ခဲ့ရပါတယ်။
    ဘယ်နေရာမဆို အကောင်းနဲ့ အဆိုးအမြဲရှိနေတတ်လို့ အကောငး်ရော အဆိုးရော မျှမျှတတ လက်ခံနိုင်ရင် အိုခေမယ်ထင်ပါတယ်။

    ဖြိုးငယ် said...

    ကိုလင်းဦးရေ .. အခွင့်မကြံုလို့ မရောက်တာ ကြာပေမဲ့ ...
    အခု ရောက်လာတော့ လည်း ပိုစ့်ကောင်းတစ်ခုနဲ့ တန်းတိုးနေတာပဲ ...
    ဟုတ်တယ်ကိုလင်းဦးရေ .. နေရာတိုင်းမှာ သူဟာနဲ့သူမှန်နေတယ်ဆိုပေမဲ့
    လက်မခံသင့်တဲ့ မှန်ခြင်းတွေလည်း ရှိနေတယ်ဆိုတာကို သိထားသင့်တယ်ဗျာ

    စိုင်းစိုင်းလားရှိုး said...

    ကိုလင်းဦးရေ ဆင်ခြင်နိုင်တဲ့ စွမ်းအားနဲ့ နားလည်နိုင်မှု စွမ်းအား နည်းပါးပြီး သကာလ လုပ်ချင်တာတွေက များတတ်တဲ့ လူတွေဟာ အမှားအယွင်း တစ်ခုခုလုပ်မိတာနဲ့ တစ်ခုခုကို အကြောင်းပြတတ်ကြတယ်။ ခုလည်း ဒီမိုကရေစီကို ဗန်းပြချင်ကြတယ်။ ဒီမိုကရေစီ ဆိုတာဘာလည်း အတွင်းကျကျ နားလည်ထားသင့်တယ်။

    poemflower said...

    ကိုလင်းဦးရေ စဉ်းစားတွေးခေါ်ပြီးရေးထားတာ အရမ်းမှန်ပါတယ် ...

    ဒူကဘာ said...

    ဖေါက်ထွက်တာကို ကြိုက်တယ်၊ ဝါးလုံးသိမ်း ရိုက်တာကိုမုန်းတယ်၊ Underground ဟာ နိုင်ငံတကာ တေးဂီတ အဖြစ်ရှိနေတာပဲ မထုတ်ပါဖူးလို့ ဆိုထားတဲ့ သီချင်းကိုမှ မီဒီယာက ဘာလို့ အစ ဆွဲထုတ်တာလဲ၊ ၂၀၀၂လောက်ကတည်းက အွန်လိုင်းမှာ အတုံးလိုက် အတစ်လိုက် ဆဲဆိုထားတဲ့ သီချင်းတွေ ကို မပြောတာ ဒီမီဒီယာသမားတွေ ဒီအချိန်က အွန်လိုင်း မသုံးတတ်သေးလို့လား၊ ဟိုသီချင်းထက်စာယင် ဂျောက်ဂျက်ဆိုတာ ပေါ့ပေါ့လေး၊ အင်း ဝိဝါဒ ကွဲစရာတွေ ဖြစ်စရာပဲ ..မပြောတော့ ပါဖူးလေ။

    သက်ပိုင်သူ said...

    ကိုလင်းဦးရေ..
    ဒီပို့စ်လေးကို အခုမှဖတ်ဖြစ်တယ်.. ဖတ်ရင်းနဲ့ စိတ်ဝင်စားစရာကောင်းလို.. ၀င်ဆွေးနွေးကြည့်လိုက်ဦးမယ်ဆိုပြီး မန့်လိုက်တာ သုံးမျက်နှာ ကျော်သွားလို့ ကျွန်တော့် blog မှာတင်လိုက်တယ်... အကို စိတ်မရှိပါဘူးနော်.. လာပြီးဖတ်လိုက်ပါဦးဗျာ...

    တားမြစ် ထားသော... said...

    ကိုလင်းဦး ပိုစ့်က နောက်ဆုံးမေးသွားတာလေးတွေကို သဘောကျတယ်။
    ကိုဟန်သစ်ငြိမ်ရဲ့ ကွန်မန့်ကို သဘောတူတယ်။
    ကိုဒူကဘာပြောတာလည်း စဉ်းစားစရာ ဖြစ်တယ်။

    ကျွန်တော်က ဘာပြောရပ။ း)

    သုခမိန်(E-Journal)

    KoGyi said...

    ူူလူတွေတော်တော်များများ အော်ဟစ်ပြောဆိုနေကြတဲ့ ခေတ်ရေစီးကြောင်း
    ဆိုတာ ဒါမျိုးတွေလားဗျာ။

    PhoeSan said...

    တကယ်ကောင်းတဲ့ အတွေးအခေါ် နဲ့ ယူဆချက်လေးပါပဲ
    ကျတော် ဂျာမနီလူမျိုုး၊ အမေရိကန်လူမျိုး၊ ရုရှ လူမျိုး၊ နောက် ကိုရီးယားလူမျိုး တစ်ချို့ နဲ့ ဆက်ဆံဖူးပါတယ်၊ ကျတော့် ကျင်လည်ရတဲ့ပတ်ဝန်းကျင်ကြောင့်လား တော့ မသိဘူးဗျ၊ အဲဒီလူ တွေ အားလုံး တော်တော်လေးကို ယဉ်ကျေးကြတယ် ... ကိုလင်းဦး ပြောသလိုမျိုး ပေါ့ Fucking ဆိုတဲ့စကားကို သူတို့သိတောင် မသိတဲ့အတိုင်းပဲဗျ၊ ဒါကြောင့် Fucking ဆိုတဲ့စကားကို စတိုင်လ်လိုလို ဘာလိုလိုနဲပ လက်စွဲသုံးပြီး တခြားစကားတွေနဲ့ ဘာမှ သိမထူးဘူးလို့ ယူဆနေတဲ့ လူတွေအနေနဲ့ကျတော့လဲ လူ့သဘောသဘာဝ အရ သူတို့ ကျင်လည်ရတဲ့ ပတ်ဝန်းကျင်နဲ့ လူအဖွဲ့ အစည်းကြောင့်လို့ထင်တယ်ဗျ။ ဒါပေမယ့် ဘယ်လိုပဲ ဖြစ်ဖြစ် အခု ကိုလင်းဦး တင်ထားတဲ့ ပိုစ့်လေးကတော့ အဲဒီလို လူ့အဖွဲ့အစည်းကနေ မကောင်းတဲ့ အကျင့်စရိုက်တွေကို တချို့လူငယ်တွေ အတုယူမမှားအောင် အတိုင်းအတာ တစ်ခုအထိ အထောက်အကူပြုနေတယ်ဗျာ.. ကျေးဇူးတင်ပါတယ် ပိုစ့်အတွက် :)

    PhoeSan said...

    ကိုဟန်သစ်ငြိမ်း ပြောသလို လူတိုင်း ကိုယ့်အလုပ်ကိုလုပ် ဆိုရင်တော့ဗျာ ဘာလို့ ကျတော်တို့ အခုလို ဘလော့ဂ် တွေ ရေးနေတော့မလဲဗျာ၊ ပြောသင့်တာကို ပြုပြင်သင့်တာကိုတော့ ပြောရမှာပေါ့၊ ဘာလို့လဲ ဆိုတော့ လူဆိုတာ အသိုင်းအဝိုင်း၊ ယဉ်ကျေးမှု၊ လူအဖွဲ့အစည်းနဲ့ နေတာလေဗျာ၊ ပြောသင့်တာကိုတော့ ပြောရမယ်ဗျ၊ ကိုယ့်အလုပ် ကိုလုပ်တယ်ဆိုတာလဲ ကောင်းတာတော့ မှန်ပါတယ် ဒါပေမယ့် တခါတလေကျတော့ တစ်ကိုကောင်း ဆန်သလိုမျိုးပဲဗျ။ ဒီတော့ ကိုယ့်အလုပ်ကိုလုပ် ရုံနဲ့ လုံလောက်တယ်ဆိုတာကို ကျတော် လုံးဝ သဘောမကျဘူးဗျ၊ ဒါကတော့ ကျတော်တိုက်ခိုက်တာ မဟုတ်ပါဘူး အမြင်ကို ပွင့်ပွင့်လင်းလင်း ပြောတာပါ။ ဒီလိုပဲ ကျတော်တို့ ဆွေးနွေးပြီး အဖြေထုတ်ကြတာပေါ့ဗျာ ..

    သိန်းဝင်း said...

    ဟုတ်ပါတယ်ကိုလင်းဦးရေ၊ ခုနောက်ပိုင်းဖအေကိုရန်လုပ်တဲ့သီးချင်းတွေလည်းခေတ်စားလာနေတာတွေ့ရတယ်ဗျာ....ရင်လေးစရာပါပဲ

    Post a Comment

    ကဗျာဆရာ
    အသပြာနတ္တိ
    ဈေးထဲမှာ မုန့်လုပ်ရောင်း
    ၀မ်းကျောင်းနေ၏.......။
    လင်းဦး(စိတ်ပညာ)


    Twitter

     
    Copyright (c) 2010 Myanmar Blogger byLin Oo