ဆိုင်ကလုန်းမုန်တိုင်း တိုက်ခတ်ခံရသော မြန်မာနိုင်ငံဒေသများတွင် ပြည်လုံးကျွတ်ဆန္ဒခံယူပွဲ ပြုလုပ်

Posted on
  • by
  • လင္းဦး(စိတ္ပညာ)
  • in
  • Labels: , ,
  • မြန်မာစစ်အစိုးရအနေဖြင့် ကယ်ဆယ်ရေးအတွက် အပြည်ပြည် ဆိုင်ရာ အကူအညီပေးသူများကို လက်ခံရန်ကတိပြုခြင်းအတွက် ကုလသမဂ္ဂမှ ကြိုဆိုစဉ်၊ စစ်အစိုးရအနေဖြင့် ဆိုက်ကလုန်းနာဂစ်ကြောင့် ပျက်စီးသွားသောဒေသများတွင် ပြည်လုံးကျွတ် ဆန္ဒခံယူပွဲ ကျင်းပသွားမည်ဖြစ်ပါသည်။

    ဖွဲ့စည်းပုံအခြေခံဥပဒေမူကြမ်းအတွက် မဲပေးမှုကို ယနေ့ (၂၄-၅-၂၀၀၈) ယခင်မြို့တော်ဟောင်း ရန်ကုန်နှင့် ဧရာဝတီမြစ်ဝကျွန်းပေါ်ဒေသရှိ မြို့နယ်(၄၇)မြို့နယ်တွင် ကျင်းပခဲ့ပါသည်။ အဆိုပါမြို့နယ် များမှာ လွန်ခဲ့သော သုံးပတ်ခန့်က ရွာများ ၊ ကောက်ပဲသီးနှံများနှင့် မွေးမြူထားသည့် တိရစ္ဆာန်များသည် ရေဘေးကြောင့် ပျက်စီးဆုံးရှုံးခဲ့ရပါသည်။ အမေရိကန်အနေဖြင့် အဆိုပါမဲပေးခြင်းကို ရှုံ့ချခဲ့ပါသည်။ အမေရိကန်မှ ပြောကြားရာ၌ အဆိုပါ အခြေခံဥပဒေမှာ စစ်အစိုးရအုပ်ချုပ်မှုကို ကြာရှည်ရန် ရည်ရွယ်ခြင်း ဖြစ်ပြီး ကယ်ဆယ်ရေးလုပ်ငန်းများကို အာရုံပြုရမည့်အစား ၎င်းအခြေခံဥပဒေအတွက်သာ ဇောင်းပေးခဲ့ခြင်းကို ရှုံ့ချကြောင်း ပြောဆိုပါသည်။

    အခြေခံဥပဒေအတွက် မဲပေးပွဲ ကျင်းပမှုသည် အစစ်အမှန် မဟုတ်ကြောင်း အရှေ့တောင် အာရှနိုင်ငံများအဖွဲ့၏ အမေရိကန်သံအမတ် Mr.Scot Marciel က ယခုအပတ် ၀ါရှင်တန်တွင် ကျင်းပသည့် ညီလာခံ ကြားနာပွဲ ပြောကြားသွားခြင်းဖြစ်ပါသည်။

    ဆိုင်ကလုန်းမုန်တိုင်းသည် (၂-၅-၂၀၀၈)နှင့် (၃-၅-၂၀၀၈)နေ့တွင် လေတိုင်နှုန်း ၁နာရီ ၁၂၀မိုင် (၁၉၀ ကီလိုမီတာ)ဖြင့် ကျရောက်ခဲ့ပြီးနောက် လူပေါင်း တစ်သိန်းသုံးသောင်းကျော် (၁၃၀၀၀၀ ကျော်) သေကြေပျောက်ဆုံးခဲ့ရပါသည် ။ ကုလသမဂ္ဂခန့်မှန်းသည်မှာ အကူအညီလိုနေသော လူဦးရေ ၂.၄သန်း၏ လေးပုံတစ်ပုံသာ အကူအညီများ ရရှိကြောင်း ခန့်မှန်းပါသည်။ ကုလသမဂ္ဂအတွင်းရေးမှူး မစ္စတာ ဘန်ကီးမွန်းက ယခုအပတ်တွင် အုပ်ချုပ်နေသူ ဗိုလ်ချုပ်များနှင့် အပြည်ပြည်ဆိုင်ရာ အကူအညီများ ပို၍ များပြားစွာ ဘေးသင့်ဒေသများသို့ ရောက်ရှိရေးအတွက် ဖိအားပေး ဆွေးနွေးခဲ့ပါသည်။

    ယမန်နေ့က ဗိုလ်ချုပ်မှူးကြီးသန်းရွှေက Mr.Ban အား ၎င်းတို့ အစိုးရအနေဖြင့် ကယ်ဆယ်ရေး အတွက် အကူအညီပေးမည့်လူများကို လူမျိုးမခွဲခြားဘဲ ခွင့်ပြုမည်ဟု ပြောကြားခဲ့ပါသည်။

    Mr. Ban မှ သတင်းထောက်များကို ပြောကြားရာ၌ ဗိုလ်ချုပ်မှူးကြီးသန်းရွှေသည် ယခုကိစ္စရပ် အတွက် လုံးဝပျော့ပြောင်းမှုရှိပါကြောင်း ပြောကြားပါသည်။ စစ်အစိုးရ ခေါင်းဆောင်မှ ရန်ကုန်လေဆိပ်ကို အပြည်ပြည်ဆိုင်ရာ အကူအညီများ ဖြန့်ဖြူးရာနေရာ အဖြစ်လည်းကောင်း၊ အဆိုပါ အကူအညီများကို လေဆိပ်မှတဆင့် အကူအညီပေးရန်လိုအပ်သော နေရာများသို့ ပုဂ္ဂလိက သင်္ဘောများဖြင့် ထပ်ဆင့်ပေးပို့ နိုင်ကြောင်း ပြောကြားခဲ့ပါသည်။

    ကယ်ဆယ်ရေးအေဂျင်စီများက စစ်အစိုးရ၏ ကတိပြုမှုကို ကြိုဆိုခဲ့ပါသည်။ သို့ရာတွင် မည်မျှအထိ မြစ်ဝကျွန်းပေါ်ဒေသရှိ အမှန်တကယ်လိုအပ်သည့် နေရာများသို့ ရောက်ရှိနိုင်မည်ဆိုသည်မှာ ရှင်းလင်းမှု မရှိပါကြောင်း ပြောကြားပါသည်။ World Vision မှ Steve Goudsward က စစ်အစိုးရ၏​ ကတိပြုမှုသည် လက်တွေ့တွင် မည်မျှထိရောက်မှုရှိမည်ကို စောင့်ကြည့်ရမည် ဖြစ်ပါကြောင်း ပြောကြားခဲ့ပါသည်။ Mr.Oxfam က ယမန်နေ့ကြေငြာချက်ကို သတိနှင့်ကြိုဆိုလိုက်ပါကြောင်းနှင့် ကယ်ဆယ်ရေး အတွက် နှောင့်နှေးမှုဖြစ်စေသည့် ကြိုးနီစနစ်ကို ဖယ်ရှားပေးရန် တောင်းဆိုလိုက်ပါသည်။

    မနက်ဖြန် ရန်ကုန်မြို့တွင် ကုလသမဂ္ဂနှင့် အာဆီယံအဖွဲ့ကြီးမှ ကြီးမှူးကျင်းပသည့် လှူဒါန်းသူများ၏ ညီလာခံဆွေးနွေးပွဲတွင် ၄၅ နိုင်ငံမှ ကိုယ်စားလှယ်များနှင့် ဒေသဆိုင်ရာ အဖွဲ့အစည်းများမှ တက်ရောက်ရန် စာရင်းပေးသွင်းထားပါသည်။ အပြည်ပြည်ဆိုင်ရာ အဖွဲ့အစည်း အနေဖြင့် ကယ်ဆယ်ရေးအတွက် အားထုတ်ကြိုးပမ်းမှုကို ပိုမိုတိုးတက်စေရန် အာရုံစိုက် ဆောင်ရွက်မှုကို အလိုရှိသော်လည်း အုပ်ချုပ်သူ ဗိုလ်ချုပ်များက ပြည်လည်ထူထောင်ရေးအတွက် ငွေကြေးထောက်ပံ့မှုကို အလိုရှိကြပါသည်။

    သဘာသဘေးအန္တရာယ်ကျရောက်ပြီး (၂)ပတ်အကြာ ဘေးဒဏ်မှ လွတ်ကင်းသော နေရာများတွင် ယနေ့အဖွဲ့စည်းပုံ အခြေခံဥပဒေအတွက် ဆန္ဒခံယူပွဲကို ပြုလုပ်ခဲ့ပါသည်။ အစိုးရသတင်းဌာနများက ဖွဲ့စည်းပုံအခြေခံဥပဒေအတွက် ၉၂.၄%က ထောက်ခံခဲ့သည်ဟု ဆိုပါသည်။ Mr.Marciel က အဆိုပါ ရလဒ်သည် အသိအမှတ်ပြုရန် ခိုင်လုံမှု မရှိဟု ဆိုပါသည်။ ဖွဲ့စည်းပုံ အခြေခံဥပဒေကို အမျိုးသားညီလာခံက အစည်းအဝေးခေါ်ယူ၍ ၂၀၀၄ခုနှစ်တွင် စတင်ခဲ့ပြီး ပြီးခဲ့သော စက်တင်ဘာလက မူကြမ်းပြီးစီးခဲ့ပါသည်။ အဆိုပါ မူကြမ်းရေးဆွဲရာ၌ လူဦးရေ ၄၈သန်း ရှိသည့်အနက် ဒေါ်အောင်ဆန်ုးစုကြည် ခေါင်းဆောင်သော အတိုက်အခံပါတီဖြစ်သည့် အမျိုးသားဒီမိုကရေစီနှင့် လူမျိုးစုအုပ်စုများကို ချန်လှပ်ထားခဲ့ပါသည်။

    စစ်အစိုးရမှ ပြည်သူ့ဆန္ဒခံယူပွဲသည် ပြည်တွင်းရေးကိစ္စရပ်ဖြစ်သဖြင့် ကုလသမဂ္ဂမှ လေ့လာသူများကို မဲပေးပုံကို စောင့်ကြည့် စစ်ဆေးခွင့်မပြုဟု ဆိုခဲ့ပါသည်။ အတည်ပြုမည့် ဖွဲ့စည်းပုံ အခြေခံဥပဒေတွင် လွှတ်တော်(၂)ရပ်စလုံး၌ အမတ်ကိုယ်စားလှယ်နေရာ ၂၅%ခွင့်ပြုထားပြီး ဥပဒေကို ပြင်ဆင်လိုပါက ဥပဒေပြုသူအများစု၏ ရ၅% ရရှိရန် လိုပါသည်။

    အဆိုပါ ဖွဲ့စည်းပုံအခြေခံဥပဒေသည် ၊ အသက်(၆၂)နှစ် ရှိပြီး လွန်ခဲ့သော ၁၈နှစ်က ပါတီရုံးလုပ်ငန်း ခွင်မှ အကျယ်ချုပ်အဖြစ် ၁၂နှစ်တာမျှ နေခဲ့သူနှင့် ၁၉၉၉ခုနှစ်တွင် သေဆုံးခဲ့သော ဗြိတိန်လူမျိုး Mr. Michael Aris ကို လက်ထပ်ခဲ့သည့် ဒေါ်အောင်ဆန်းစုကြည်ကို တားမြစ်ထားပါသည်။

    မြန်မာနိုင်ငံနှင့် ပတ်သက်သော ကုလသမဂ္ဂအထူးကိုယ်စားလှယ် Mr.Ibrahim Gambari က မတ်လတွင် ပြောကြားခဲ့ရာ၌ စစ်အစိုုးရအနေဖြင့် နိုင်ငံအား အရပ်သားအုပ်ချုပ်ရေးအဖြစ် ပြန်လည်လွှဲအပ် နိုင်ရန် စဉ်းစားနေပါကြောင်း၊ လွှဲအပ်မှုပုံစံသည် စစ်တပ်အနေဖြင့် ပါလီမန်တွင် အမတ်နေရာရရှိရန် အာမခံခဲ့သည့် အင်ဒိုနီးရှားသမ္မတဟောင်း ဆူဟာတို အစိုးရအဖွဲ့ပုံစံနှင့် အလားတူမည်ဖြစ်ကြောင်း ပြောကြားခဲ့ပါသည်။

    ဖွဲ့စည်းပုံအခြေခံဥပဒေမူကြမ်းသည် သမ္မတအား အရေးပေါ်အခြေအနေကြေညာပြီး အုပ်ချုပ်မှု အာဏာကို စစ်ဦးစီးချုပ်အား တစ်နှစ်လွှဲအပ်ရန် ခွင့်ပြုထားပါသည်။ အဆိုပါ မူကြမ်းသည် စစ်တပ်မှ အုပ်ချုပ်စဉ်ကာလအတွင်း အရာရှိများအား ဥပဒေကြောင်းအရ ကာကွယ်ထားပြီး၊ တပ်မတော်အဖွဲ့ဝင်များအတွက် ကာကွယ်ရေး၊ လုံခြံုရေးနှင့် နယ်စပ်ဒေသရေးရာများနှင့် ဆိုင်သော ၀န်ကြီးနေရာများကို သီးသန့်ထားရှိ ခွင့်ပြုထားပါသည်။

    ဒီမိုကရေစီလိုလားသည့် နိုင်ငံရေးတိုက်ပွဲဝင်သူများက စစ်အစိုးရအား ယခုလတွင် ထိန်းသိမ်းသည့်ကာလ ကုန်ဆုံးမည့် ဒေါ်အောင်ဆန်းစုကြည်အား ထိန်းသိမ်းခြင်းမှ လွှတ်ပေးရန် တောင်းဆိုထားပါသည်။

    နိုင်ငံတော်ကာကွယ်ရေး ဥပဒေအရ၊ အစိုးရသည် လုံခြံုရေးကို ထိပါးနိုင်သည်ဟု မှတ်ယူသူအား ဥပဒေကြောင်းအရ တရားဆွဲဆိုခြင်းမပြုဘဲ ငါးနှစ်တာမျှ ထိန်းသိမ်းနိုင်သည်ဟု ပြဌာန်းထားကြောင်း၊ Burma Campaign U.K . နိုင်ငံရေးတိုက်ပွဲဝင်သူများက ဆိုပါသည်။ ဒေါ်အောင်ဆန်းစုကြည်အား ၂၀၀၃ခုနှစ် မေလက စ၍ အကျယ်ချုပ်အဖြစ် ထိန်းသိမ်းခဲ့ပါသည်။

    0 comments:

    Post a Comment

    ကဗျာဆရာ
    အသပြာနတ္တိ
    ဈေးထဲမှာ မုန့်လုပ်ရောင်း
    ၀မ်းကျောင်းနေ၏.......။
    လင်းဦး(စိတ်ပညာ)


    Twitter

     
    Copyright (c) 2010 Myanmar Blogger byLin Oo