စီးဆင်းနေဦးမယ့် မြစ်တစ်စင်း

Posted on
  • by
  • လင္းဦး(စိတ္ပညာ)
  • in
  • Labels: , ,
  • နေ့ရက်တွေကို ရေတွက်နေတာ ငါမဟုတ်ဘူး
    မင်းတို့ရဲ့ အတ္တနဲ့ အပြစ်ရှာ မေတ္တာမဲ့လုပ်ရပ်တွေအတွက်
    ငါ ၀မ်းနည်းတယ် ။

    စာပေဟာ ငါ့ဘဝ
    ဂီတဟာ ငါ့အသက်
    ငါဖြတ်သန်းခဲ့တဲ့ နယ်ပယ်အတွက် ငါပေးဆပ်မယ်
    ငါ သိမ်းပိုက်နေတာ မဟုတ်ဘူး
    ငါ ပေးဝေနေတာ
    ငါ ဘယ်တော့မှ ကျောက်ရုပ် မလုပ်ဘူး ။

    ငါ့ဘဝကို ဇောက်ထိုးလုပ်
    ငါ့ သိက္ခာကို မြေချ
    အသေသတ်နေတဲ့ မင်းတို့
    စာပေနဲ့ ဂီတကိုတော့ မသတ်နိုင်ပါဘူး
    ငါ့ရင်ထဲက မြစ်တစ်စင်းကို
    မင်တို့ ဘာနဲ့ တားဆီးမလဲ ။

    ငါလုပ်တဲ့ အလုပ်ကို ငါနားလည်တယ်
    မင်းတို့ နားမလည်တဲ့ စီးဆင်းမှုတစ်ခုကို
    ဘာနဲ့ တားဆီးမလဲ
    ဒီတော့
    ငါ့ကို ကျောက်ရုပ်မလုပ်ခိုင်းပါနဲ့
    ပြီးတော့
    ငါဟာ ကြိုးဆွဲရာကရမယ့် ရုပ်သေးမဟုတ်ဘူး ။

    အရာရာကို ဇောက်ထိုးမြင်နေတဲ့
    မင်တို့က ဘာလဲ ။

    ငါ့ စာပေ အစော်ကားခံခဲ့ရတယ်
    ငါ့ စေတနာ ကျူးကျော်ခံခဲ့ရတယ်
    ငါလေ
    ဒဏ်ရာတွေကို မြစ်ထဲ ထည့်ခဲ့ရတယ်
    ငါ့ မြစ်မှာ အရောင်တစ်ခု ရောသွားရပြီ ။

    ငါ ဆက်ရေးနေဦးမယ်
    ငါ ဆက်ရှင်သန်နေဦးမယ်
    ငါ့ မနက်ဖြန်တွေနဲ့
    မြစ်တစ်စင်းကတော့ စီးဆင်းနေဆဲ
    ကဲ.......
    မင်းတို့ တားဆီးကြဦးမလား ။

    အနုပညာကို
    လုပ်ချင်တိုင်း လက်ဝါးကြီးအုပ်လို့ မရဘူးဆိုတာ
    ......................................
    ငါနောက်ထပ် ပြောဦးမယ်...
    ငါ ကျောက်ရုပ်မဟုတ်ဘူး
    ဆက်ပြောဦးမယ်...
    အဓိပ္ပါယ်မရှိတဲ့
    တားမြစ်မှုအတွက်တော့
    ငါ့ မြစ်က ရပ်တန့်သွားမှာ မဟုတ်ဘူး ။ ။
    လင်းဦး (စိတ်ပညာ)

    2 comments:

    Heartmuseum said...

    စီးလိုက်စမ်းဗျာ... အရှိန်နဲ့ ပြင်းပြင်း

    maungkaung said...

    ဒီကဗျာလေးကို အရမ်းကြိုက်တယ်ဗျာ.. အားပေးတယ်ဗျာ.. အဆင်ပြေပါစေ

    Post a Comment

    ကဗျာဆရာ
    အသပြာနတ္တိ
    ဈေးထဲမှာ မုန့်လုပ်ရောင်း
    ၀မ်းကျောင်းနေ၏.......။
    လင်းဦး(စိတ်ပညာ)


    Twitter

     
    Copyright (c) 2010 Myanmar Blogger byLin Oo